Op
Donderdag 29 Augustus 2013 om ongeveer 19:30 daag Mavis Nagel ‘n
stafverpleegster asook ‘n hulpverpleegster Phuleng by my huis op met die versoek dat ek
moet kom help met tannie Revina wat ‘n epileptiese aanval gehad het.
By Onze
Rust aangekom vind ek tannie Revina bewusteloos en geen verpleegpersoneel wat
na haar omsien nie. Nagel het dus die pasient net so gelos en al die pad na my
huis gestap sodat ek moes kom help. Kon Nagel my nie net geskakel het of die
hulpverpleegster alleen na my gestuur het nie?
Ek het
met my beperkte kennis dadelik tannie Revina gemaklik gemaak en kort kort haar gesig met 'n nat waslap afgevee sy het haar
bewussyn herwin. Ek merk toe ook op dat tannie Revina se bors brandmerke op het.
Die mediesepersoneel het glad nie geweet wat om te doen nie en moes ek hulle
versoek om dadelik brandsalf te bring. Niemand het kans gesien om die salf aan te smeer nie en
moes ek dit namens die mediesepersoneel aanwend. Ek het later uitgevind dat tannie
Revina reeds die middag met warm tee verbrand het en haar brandwonde is nooit
behandel nie. Was dit dalk die rede vir die epileptiese aanval?
Ek het
ook Nagel versoek om die kinders van tannie Revina te laat weet wat het gebeur
en om by hulle te hoor of ons tannie Revina na ‘n hospitaal moet neem.
Die
mediesepersoneel het almal deurgaans onbekwaam en verward voorgekom en dit word
duidelik weerspiëel in hulle optrede om my in te roep om met hulle werk te help
terwyl ek maar net ‘n kombuispersoneellid was.